Ferðasagan

Þá erum við búin að koma okkur ágætlega fyrir í gestahúsi hjá foreldrum Danna, og verðum þar þangað til 30.maí, þá fáum við lyklana af íbúðinni í Augustenborg.

Ferðin gekk mjög vel, Markús flissaði bara í flugtakinu á meðan önnur börn grenjuðu! Svo svaf hann næstum alla leið, vaknaði rétt fyrir lendingu. Við fengum okkur svo að borða á lestarstöðinni og lögðum svo af stað til Sønderborg kl 21:30 og vorum komin rétt tæpum 4 tímum seinna, eða kl 01:20 (11:20 á Íslandi).
Kristín Eik lánaði okkur herbergið sitt í eina nótt (takk kærlega!).. Við vonuðum að guttinn myndi sofa kannski eitthvað fram á morguninn fyrst við vorum komin svona seint í hús, en neibb.. Hann vaknaði rúmlega 06:30 og vildi fara á fætur takk ..
Rannveig keyrði okkur í Nybøl, þar sem við fáum að vera þangað til við fáum íbúðina. Við spókuðum okkur í garðinum og komum okkur fyrir, svo fór Markús að sofa um kl 20, og við gömlu hjúin klukkutíma seinna (ath: það er kl 19 á ísl. tíma!)

Í dag fórum við niður á kommúnu og skráðum okkur inn í landið, það er víst ekki hægt að vera kennitölulaus.

Ég setti inn full af myndum á www.markusedvard.barnaland.is , en set svo inn nokkrar vel valdar í albúm á þessa síðu.

Við söknum ykkar allra og elskum ykkur!
Kv. Kolbrún, Kalli og Markús Eðvarð

Athugasemdir

[Gyða (IP-tala skráð) 27.5.2008 kl. 23:57]

gott að heyra að allt gangi vel! :*

Elska ykkur líka! :*

 Knús og kram! :*

[Anna Rósa (IP-tala skráð) 2.6.2008 kl. 20:55]

Flott að heyra að allt gangi vel.

Vona bara að það eigi eftir að halda áfram að ganga vel, gerir það alveg örugglega;)

mér finnst alveg æði hjá ykkur að láta vaða svona og fara út, er ekki viss um að ég gæti þetta.